Vëllezërit Karamazovë 1 është jo vetëm kryevepra e shkrimtarit dhe e letërsisë ruse, po edhe e letërsisë botërore. Aty gjen kuintesencën e veprës dostojevskiane: shpaloset filozofia e tij, thelbi i veprimit shoqëror, i besimit rus, i ndërgjegjes së kombit rus, i joshjes që i bëhet gjithë shtresave të shoqërisë ruse. Mjafton të njohësh familjen Karamazov, atin dhe bijtë, jetën që bën qytetari rus, murgu rus. Dhe sidomos jeta e Kuvendit ku murgjit dhe filozofia e kohës gëlon, pasqyrohet edhe në sytë e birit më të vogël të Karamazozëve, i cili endet nëpër labirintet e murgjve, duke u përplasur me ideologjinë e ashpër të fesë dhe mendimit fetar, duke gjetur shpesh rrugëzgjidhjet brenda ngushtësisë sociale ku janë të shtrënguar të jetojnë. Ky vëllim i parë përgatit terrenin e veprimit i cili do të shpërthejë në vëllimin e dytë…