Përshkrim
I dashuri i ri është absolutisht i përsosur. Joshës, i hijshëm dhe punon si mjek në një nga spitalet e qytetit. Sidni po fluturon.
Pastaj, vjen vrasja mizore e një gruaje të re, e fundit e një vargu vdekjesh që ka hutuar policinë. I dyshuari kryesor? Një burrë misterioz që krijon lidhje me viktimat e tij para se t’i vrasë.
Sidni nuk ka pse të trembet. Në fund të fundit, ajo po del me mashkullin e ëndrrave të saj. Por nuk i ndahet dyshimi se mashkulli i përsosur mund të mos jetë aq i përsosur sa duket. Sepse, dikush po e përgjon vazhdimisht dhe po të mos zbulojë të vërtetën, ajo do të jetë viktima e radhës e vrasësit…
Me këtë roman ku rrëfehet një histori e errët për fiksimin dhe ato që ne bëjmë për hir të dashurisë, shkrimtarja bestseller e Nju-Jork Tajmsit, Freida McFadden, provon se shpeshherë krimet e pasionit janë më mizoret…
Ritmi i rrëfimit të këtij libri ishte çuditërisht i shpejtë, duke e bërë lexuesin të befasohet nga kthesat e papritura. Në masën 60 për qind besoja se e kisha marrë me mend përfundimin, por, siç ndodh gjithnjë me Fridën, ajo të bën të besosh se e ke kuptuar çfarë po ndodh e pastaj të habit me një përfundim krejt të papritur. Nuk dua ta teproj, por më besoni, do t’ju pëlqejë
ky libër! Sidomos po t’ju kenë pël-qyer librat e saj të mëparshëm, ky i tanishmi do të bëhet
i parapëlqyeri juaj i ri.
– Pavlina Sanborn
Një histori fantastike, personazhe të paharrueshme, rrëfim i bukur; më tërhoqi qysh në fillim. M’u duk sikur e mora me mend përfundimin, por pastaj u befasova, sepse zonja McFadden është aq e zgjuar sa të të habitë. E rekomandoj fuqishëm.
– Diannoud
Frida më befasoi sërish! Po vdisja të merrja vesh çfarë do të ndodhte më tej. Pikërisht kur mendova se e kuptova, u befasova. Më pëlqeu!
– Kail Lowry
Mendova se e kuptova qysh në fillim, por u gabova rëndë. U befasova.
Të dhëna
| Lloji i botimit | Me kapak te holle |
| Faqe | 352 |
| ISBN | 978-9928-00-709-4 |
| Viti i Botimit | 2025 |
| Gjuha | Shqip |
| Tipi i publikimit | Libër |
Shqyrtime
Ende pa shqyrtime.